كيك بارد بدون فرن اكثر من رائع

الطبقة الاولى:

تناخدو 7قطع من البسكوي طونيك مهرمش ونجمعوه بالشكولاط مدابة في حمام مريم مع 2 دانيت شكولا صغار ونجمعو بيها خليط البسكوي ونديروه فالمول كطبقة اولى

الطبقة التانية :

تناخدو كصرولة ونديرو فيها لتر من الحليب و2 فلون كراميل وشكولا من الحجم الكبير 65غ و4 ملاعق كبيرة من المايزينة ونديروهم حتى يعقاد الخليط ونزولوه من فوق النار ونزيدو عليه 2 ياغورت بنكهة الخوخ ونخلطو حتى ينسجم الخليط…… تناخدو المول ونصبو نصف الكريمة وتناخدو الفواكه لعندنا نقطعوها اطراف صغيرة ونديروها فوق الكريمة ونزيدو عليها الكريمة لبقات عندنا وندخلوها المجمد لمدة 4 ساعات منبعد نخرجوها ونزينوها بالفواكه لعندنا…

لتذكير الفواكه لخدمت بيهم : الكيوي البنان البرقوق التفاح العنب والاجاص وبالصحة والراحة …..

عن صفحة حلويات يامنة الحادكة

2018-10-18 2018-10-18
المشرف العام